Camiñada Monte da Estrela

CAMIÑADA SÁBADO 11 DE DECEMBRO

Arteixo: o desenvolvemento dunha periferia

Esta camiñada está dedicada a realizar unha valoración aproximada do urbanismo, após da chegada da industria a Arteixo, alá polos anos cincuenta. Mistura dun pasado, un presente e un futuro que máis que se integraren están a pór en perigo o patrimonio histórico, natural e paisaxístico do territorio, e por tanto, tamén o benestar dos que alí habitan.

Imos camiñar por lugares como Rañobre, Suevos, ou Pastoriza, por seren as zonas que de forma máis brusca viron mudar a súa paisaxe e modos de vida, a medida que a industria foi chegando.

Para a ocasión contaremos con Xoán Creus Andrade (Cee, 1966), Arquitecto titulado pola Escola Técnica Superior de Arquitectura da Coruña en 1992, e profesor do Departamento de Proxectos Arquitectónicos e Urbanismo da mesma universidade.

Se as circunstancias metereolóxicas foren adversas, a actividade será substituída por unha palestra que terá lugar no Centro Cívico de Arteixo ás 10:30h

Lugar e hora de partida: Igrexa de San Tirso de Oseiro - 9:30h -
Iscrición gratuíta: direccion@montedaestrela.org
Tlf 667 860 775 – 653 534 320

www.montedaestrela.org

Organiza ASOCIACION CULTURAL MONTE DA ESTRELA

Colabora Concello de Arteixo
Concellaría de Cultura